Birlashgan Millatlar Tashkiloti (BMT) ning ta’lim, fan va madaniyat masalalari bo‘yicha tashkiloti — YUNESKO tomonidan sport sohasini qo‘llab-quvvatlash borasida quyidagi yo‘nalishlarda faol ishlar olib boriladi:
Taraqqiyot va tinchlik: Sport barqaror rivojlanish maqsadlariga erishish, tinchlik, ijtimoiy inklyuziya va yoshlarning imkoniyatlarini kengaytirish vositasi sifatida ko‘riladi.
Xalqaro standartlar: YUNESKO jismoniy tarbiya va sportga oid xalqaro standartlar va ko‘rsatmalarni ishlab chiqishda ishtirok etadi.
Ta’lim va madaniyat: Tashkilot sportdan ta’lim maqsadlarida foydalanishga intiladi, adolatli o‘yin, jamoaviy ruh va hurmat kabi qadriyatlarni singdiradi va an’anaviy o‘yinlar va sport ko‘rinishidagi madaniy merosni qo‘llab-quvvatlaydi.
Sport bilan bog‘liq xalqaro sanalarni nishonlash:
YUNESKO tomonidan sport va jismoniy faollikning insonlar hayotida muhim o‘rin tutishini namoyon etish maqsadida har yili 6 aprel sanasida taraqqiyot va tinchlik uchun xalqaro sport kuni va 20 sentyabrda xalqaro talabalar sporti kuni sifatida dunyo mamlakatlari bo‘ylab keng nishonlanadi.
