Бирлашган Миллатлар Ташкилоти (БМТ) нинг таълим, фан ва маданият масалалари бўйича ташкилоти — ЮНEСКО томонидан спорт соҳасини қўллаб-қувватлаш борасида қуйидаги йўналишларда фаол ишлар олиб борилади:
Тараққиёт ва тинчлик: Спорт барқарор ривожланиш мақсадларига эришиш, тинчлик, ижтимоий инклюзия ва ёшларнинг имкониятларини кенгайтириш воситаси сифатида кўрилади.
Халқаро стандартлар: ЮНEСКО жисмоний тарбия ва спортга оид халқаро стандартлар ва кўрсатмаларни ишлаб чиқишда иштирок этади.
Таълим ва маданият: Ташкилот спортдан таълим мақсадларида фойдаланишга интилади, адолатли ўйин, жамоавий руҳ ва ҳурмат каби қадриятларни сингдиради ва анъанавий ўйинлар ва спорт кўринишидаги маданий меросни қўллаб-қувватлайди.
Спорт билан боғлиқ халқаро саналарни нишонлаш:
ЮНEСКО томонидан спорт ва жисмоний фаолликнинг инсонлар ҳаётида муҳим ўрин тутишини намоён этиш мақсадида ҳар йили 6 апрель санасида тараққиёт ва тинчлик учун халқаро спорт куни ва 20 сентябрда халқаро талабалар спорти куни сифатида дунё мамлакатлари бўйлаб кенг нишонланади.
