Madridning "Real" klubi forvardi Kilian Mbappe jamoadoshi Arda Gyulerning o‘yini haqida gapirdi.
20 yoshli xavbek Xabi Alonso davrida "qaymoqranglilar"ning asosiy o‘yinchilaridan biriga aylandi. Mbappe joriy mavsumdagi gollarining katta qismini aynan turkiyalik yosh futbolchining uzatmalaridan so‘ng kiritdi.
"Gyulerning muvaffaqiyatlari meni hayron qoldirmaydi. U juda iste’dodli va yosh, jamoa uchun foydali. Bu mavsumda Arda o‘z yoshi uchun ajoyib o‘yin ko‘rsatmoqda. "Bernabeu"da tomoshabinlar uning to‘p bilan ko‘rsatayotgan sehriga qoyil qolmoqda. Umid qilamanki, u shu ruhda davom etadi. U bilan o‘ynashdan xursandman," - deya fransiyalik hujumchining so‘zlarini keltiradi Madrid Universal.
Arda Gyulerning hisobida joriy mavsumda 13 o‘yinda uchta gol va beshta golli uzatma bor.
