Мадриднинг "Реал" клуби форварди Килиан Мбаппе жамоадоши Арда Гюлернинг ўйини ҳақида гапирди.
20 ёшли хавбек Хаби Алонсо даврида "қаймоқранглилар"нинг асосий ўйинчиларидан бирига айланди. Мбаппе жорий мавсумдаги голларининг катта қисмини айнан туркиялик ёш футболчининг узатмаларидан сўнг киритди.
"Гюлернинг муваффақиятлари мени ҳайрон қолдирмайди. У жуда истеъдодли ва ёш, жамоа учун фойдали. Бу мавсумда Арда ўз ёши учун ажойиб ўйин кўрсатмоқда. "Бернабеу"да томошабинлар унинг тўп билан кўрсатаётган сеҳрига қойил қолмоқда. Умид қиламанки, у шу руҳда давом этади. У билан ўйнашдан хурсандман," - дея франциялик ҳужумчининг сўзларини келтиради Madrid Universal.
Арда Гюлернинг ҳисобида жорий мавсумда 13 ўйинда учта гол ва бешта голли узатма бор.
