Madridning "Real" klubi yetakchisi Kilian Mbappe jamoaning sobiq ustozi Karlo Anchelotti va hozirgi bosh murabbiy - ispaniyalik Xabi Alonsoni taqqosladi.
"Faoliyatimda ko‘p murabbiylar bo‘lgan, har bir mutaxassisning o‘z falsafasi borligiga o‘rganib qolganman. Alonso Karlodan farq qiladi. Xabi o‘ziga xos yondashuvga ega, jamoa u nimani xohlayotganini allaqachon tushunib yetgan. Biz bu mavsumda rivojlandik. "Real" to‘g‘ri yo‘ldan ketmoqda. Jamoa sovrinlarni ko‘zlamoqda," - deya fransiyalik hujumchining so‘zlarini keltiradi Marca gazetasi.
Eslatib o‘tamiz, Alonso yozda "qaymoqranglilar" boshqaruviga kelgan edi.
La Liganing o‘nta tur yakunlariga ko‘ra, "qirollik klubi" turnir jadvalida peshqadamlik qilmoqda.
