Мадриднинг "Реал" клуби етакчиси Килиан Мбаппе жамоанинг собиқ устози Карло Анчелотти ва ҳозирги бош мураббий - испаниялик Хаби Алонсони таққослади.
"Фаолиятимда кўп мураббийлар бўлган, ҳар бир мутахассиснинг ўз фалсафаси борлигига ўрганиб қолганман. Алонсо Карлодан фарқ қилади. Хаби ўзига хос ёндашувга эга, жамоа у нимани хоҳлаётганини аллақачон тушуниб етган. Биз бу мавсумда ривожландик. "Реал" тўғри йўлдан кетмоқда. Жамоа совринларни кўзламоқда," - дея франциялик ҳужумчининг сўзларини келтиради Marca газетаси.
Эслатиб ўтамиз, Алонсо ёзда "қаймоқранглилар" бошқарувига келган эди.
Ла Лиганинг ўнта тур якунларига кўра, "қироллик клуби" турнир жадвалида пешқадамлик қилмоқда.
