Madridning "Real" klubi yarim himoyachisi Federiko Valverde La Liga doirasidagi "Valensiya"ga (4:0) qarshi o‘yindan so‘ng o‘z taassurotlari bilan o‘rtoqlashdi.
Gollarga Kilian Mbappe (dubl), Jud Bellingem va Alvaro Karreras mualliflik qildi.
"O‘yinni ajoyib boshladik, ammo 3:0 hisobidan so‘ng biroz pasayish kuzatildi, bu tabiiy. O‘z ustida ishlashda davom etish va kamroq xato qilishga harakat qilish kerak.
To‘pni yo‘qotsak, darhol uni qaytarib olishga harakat qilamiz, bu orqali yanada ko‘proq vaziyatlar yaratamiz. Bu yo‘nalishda rivojlanishda davom etish kerak - biz yanada kuchliroq bo‘lish uchun katta sa’y-harakatlarni amalga oshirmoqdamiz," - dedi Valverde o‘yindan keyingi intervyusida.
"Real" "Barselona"ni 8 ochkoga ortda qoldirmoqda.
