Мадриднинг "Реал" клуби ярим ҳимоячиси Федерико Вальверде Ла Лига доирасидаги "Валенсия"га (4:0) қарши ўйиндан сўнг ўз таассуротлари билан ўртоқлашди.
Голларга Килиан Мбаппе (дубль), Жуд Беллингем ва Альваро Каррерас муаллифлик қилди.
"Ўйинни ажойиб бошладик, аммо 3:0 ҳисобидан сўнг бироз пасайиш кузатилди, бу табиий. Ўз устида ишлашда давом этиш ва камроқ хато қилишга ҳаракат қилиш керак.
Тўпни йўқотсак, дарҳол уни қайтариб олишга ҳаракат қиламиз, бу орқали янада кўпроқ вазиятлар яратамиз. Бу йўналишда ривожланишда давом этиш керак - биз янада кучлироқ бўлиш учун катта саъй-ҳаракатларни амалга оширмоқдамиз," - деди Вальверде ўйиндан кейинги интервьюсида.
"Реал" "Барселона"ни 8 очкога ортда қолдирмоқда.
