"Chelsi" bosh murabbiyi Enso Mareska jamoasining Premyer-liga doirasidagi "Tottenxem"ga (1:0) qarshi o‘yindagi ishtiroki haqida fikr bildirdi.
"G‘alabadan mamnunman, ayniqsa, gol o‘tkazmay g‘alaba qozonganimizdan xursandman. Bu juda muhim. Ha, gol urishni istaymiz, ammo himoyada oldinga siljishimiz kerak.
O‘ylaymanki, bugun to‘p bilan ham, to‘psiz ham ajoyib harakat qildik. "Liverpul" bilan o‘yin haqida ham shunday deyish mumkin edi. Gol urish har doim muhim, ammo himoyadagi ishonch ham juda muhim - agar siz chempionat cho‘qqisi uchun kurashmoqchi bo‘lsangiz, bu juda zarur," - deya Mareskaning so‘zlarini keltiradi jurnalist Bobbi Vinsent.
5 noyabr, chorshanba kuni "Chelsi" Chempionlar ligasida "Qorabog‘"ga qarshi maydonga tushadi.
