Italiya chempionati — A Seriyaning o‘ninchi turidan o‘rin olgan uchrashuvlardan birida Turinning «Yuventus» jamoasi «Kremoneze» mehmoni bo‘lib, yangi bosh murabbiy Luchano Spalletti qo‘l ostidagi ilk g‘alabasini qo‘lga kiritdi. Hisob juda tez ochildi — uchrashuv boshlanganiga 85 soniya to‘lmasdan serbiyalik hujumchi Filip Kostich mezbonlar darvozasini ishg‘ol etdi.
Ma’lum bo‘lishicha, bu turinliklar uchun A Seriyadagi safar o‘yinlarida tarixdagi ikkinchi eng tez urilgan gol hisoblanadi. Faqat bir marta, 2008 yil 20 aprel kuni, «Yuventus» safarda bundan ham tez gol urgan — o‘shanda Nikola Legrottalye «Atalanta»ga qarshi bahsda 46-soniyada darvozani ishg‘ol etgan edi.
