O‘tmishda taniqli futbolchi bo‘lgan Gari Nevill Angliya chempionati joriy mavsumida Londonning «Arsenal» jamoasi imkoniyatlari haqida fikr bildirdi.
«Menimcha, bu ligadagi eng yaxshi jamoa va ularning tarkibi to‘g‘ri shakllangan. Men ishonamanki, “Arsenal” chempionlikni qo‘lga kiritadi. “Manchester Siti” avvalgi darajasiga qayta oladi va “Arsenal”ni mag‘lub eta oladi, deb o‘ylamayman», — deya Nevillning so‘zlarini keltirgan NBC Sports nashri.
APLning 10 turidan so‘ng Mikel Arteta jamoasi 25 ochko to‘plagan holda turnir jadvalida birinchi o‘rinni egallab turibdi.
Seshanba kuni «kanonirlar» Chempionlar ligasining umumiy bosqichi 4-tur doirasida safarda Praganing «Slaviya» klubiga qarshi bahs olib borishadi.
