Ўтмишда таниқли футболчи бўлган Гари Невилл Англия чемпионати жорий мавсумида Лондоннинг «Арсенал» жамоаси имкониятлари ҳақида фикр билдирди.
«Менимча, бу лигадаги энг яхши жамоа ва уларнинг таркиби тўғри шаклланган. Мен ишонаманки, “Арсенал” чемпионликни қўлга киритади. “Манчестер Сити” аввалги даражасига қайта олади ва “Арсенал”ни мағлуб эта олади, деб ўйламайман», — дея Невиллнинг сўзларини келтирган NBC Sports нашри.
АПЛнинг 10 туридан сўнг Микель Артета жамоаси 25 очко тўплаган ҳолда турнир жадвалида биринчи ўринни эгаллаб турибди.
Сешанба куни «канонирлар» Чемпионлар лигасининг умумий босқичи 4-тур доирасида сафарда Праганинг «Славия» клубига қарши баҳс олиб боришади.
