«An-Nasr» hujumchisi va sardori Krishtianu Ronaldu Saudiya Pro-ligasining 7-turida «Al-Fayha»ga qarshi o‘yindan (2:1) so‘ng futbolga bo‘lgan muhabbati haqida so‘z yuritdi. 40 yoshli portugaliyalik yulduz bu bahsda dubl qayd etdi.
«Bu men uchun ham, butun jamoam uchun ham ajoyib kecha bo‘ldi. “An-Nasr” g‘alaba qozondi, men esa ikki bor gol urdim — bu muhim.
Har doim aytaman: sportda uzoq faoliyat yuritish faqat ishq va muhabbat orqali amalga oshishi mumkin. Men hali ham shu ehtirosni his qilaman. Gol ursam ham, urmasam ham — futbol mening hayotim. 23–24 yildan beri shu sohadaman — bu mening butun umrim. Shuning uchun oyoqlarimda kuch bor ekan, o‘ynashda davom etaman», — deya Ronalduning so‘zlarini keltirgan UOL nashri.
Joriy mavsumda portugaliyalik hujumchi Saudiya chempionatida 7 ta uchrashuvda 8 ta gol urgan.
