“Manchester Yunayted” bosh murabbiyi Ruben Amorim yosh himoyachi Patrik Dorgu bilan yaqindan ishlamoqda va undan "PSJ" futbolchisi Nunu Mendesh o‘yinini chuqur tahlil qilishni talab qilmoqda.
Amorimning o‘zi bu borada shunday degan: “Agar dunyodagi eng yaxshi chap himoyachi bo‘lmoqchi bo‘lsang, Nunu Mendeshni o‘rganishni boshla”.
Manbaga ko‘ra, murabbiy Dorguning salohiyatiga “oshiq” bo‘lib qolgan va uning haqiqiy imkoniyatlarini ochish uchun qat’iy ish olib bormoqda. Shu bois jamoa ichida 21 yoshli futbolchini hatto “Nunu Mendesh 2.0” deb atashadi.
Daniyalik fullbek joriy mavsumda mankunianliklar safida jami 10 ta o‘yinda 1 ta golli uzatma berdi.
