“Манчестер Юнайтед” бош мураббийи Рубен Аморим ёш ҳимоячи Патрик Доргу билан яқиндан ишламоқда ва ундан "ПСЖ" футболчиси Нуну Мендеш ўйинини чуқур таҳлил қилишни талаб қилмоқда.
Аморимнинг ўзи бу борада шундай деган: “Агар дунёдаги энг яхши чап ҳимоячи бўлмоқчи бўлсанг, Нуну Мендешни ўрганишни бошла”.
Манбага кўра, мураббий Доргунинг салоҳиятига “ошиқ” бўлиб қолган ва унинг ҳақиқий имкониятларини очиш учун қатъий иш олиб бормоқда. Шу боис жамоа ичида 21 ёшли футболчини ҳатто “Нуну Мендеш 2.0” деб аташади.
Даниялик фуллбэк жорий мавсумда манкунианликлар сафида жами 10 та ўйинда 1 та голли узатма берди.
