«PSJ» bosh murabbiyi Luis Enrike Chempionlar ligasi guruh bosqichining 4-turidagi «Bavariya»ga qarshi bo‘ladigan uchrashuv oldidan fikr bildirdi. Bellashuv 4 noyabr kuni «Park de Prens» stadionida bo‘lib o‘tadi.

«Park de Prens»dagi muhit va muxlislarimiz qo‘llab-quvvatlovi bilan biz raqib bosimiga dosh bera olamiz, deb ishonaman. Menimcha, bu o‘yin yozda Klublar o‘rtasidagi jahon chempionatida ularga qarshi o‘ynagan bahsga o‘xshaydi. O‘shandagi kabi keskin va qiziqarli bellashuv bo‘ladi.

Hozir aniqki, “Bavariya” juda kuchli jamoa — ular ketma-ket 15 ta g‘alabaga erishishdi, bu haqiqatan ham ajoyib natija. Biz uchun ertagagi g‘alaba faqat uch ochko uchun emas, balki butun musobaqada eng og‘ir qur’a tushgani uchun ham muhim. Shuning uchun uyda o‘ynayotganda muxlislarimiz yaratgan muhitdan foydalanib, g‘alabaga erishishga harakat qilishimiz zarur», — dedi Enrike klubning rasmiy saytiga bergan intervyusida.

Uchta o‘yindan so‘ng «PSJ» va «Bavariya» 9 tadan ochko jamg‘arib, jadvalning yuqori qismida joylashgan.