«ПСЖ» бош мураббийи Луис Энрике Чемпионлар лигаси гуруҳ босқичининг 4-туридаги «Бавария»га қарши бўладиган учрашув олдидан фикр билдирди. Беллашув 4 ноябрь куни «Парк де Пренс» стадионида бўлиб ўтади.

«Парк де Пренс»даги муҳит ва мухлисларимиз қўллаб-қувватлови билан биз рақиб босимига дош бера оламиз, деб ишонаман. Менимча, бу ўйин ёзда Клублар ўртасидаги жаҳон чемпионатида уларга қарши ўйнаган баҳсга ўхшайди. Ўшандаги каби кескин ва қизиқарли беллашув бўлади.

Ҳозир аниқки, “Бавария” жуда кучли жамоа — улар кетма-кет 15 та ғалабага эришишди, бу ҳақиқатан ҳам ажойиб натижа. Биз учун эртагаги ғалаба фақат уч очко учун эмас, балки бутун мусобақада энг оғир қуръа тушгани учун ҳам муҳим. Шунинг учун уйда ўйнаётганда мухлисларимиз яратган муҳитдан фойдаланиб, ғалабага эришишга ҳаракат қилишимиз зарур», — деди Энрике клубнинг расмий сайтига берган интервьюсида.

Учта ўйиндан сўнг «ПСЖ» ва «Бавария» 9 тадан очко жамғариб, жадвалнинг юқори қисмида жойлашган.