"Barselona" hujumchisi Lamin Yamal Ispaniya terma jamoasiga chaqirilishi mumkinligi haqida xabarlar tarqaldi.
Diario SPORT nashrining ta’kidlashicha, Yamalning Ispaniya terma jamoasiga chaqirilishi uning bugun "Barselona" safida "Bryugge"ga qarshi o‘yinda maydonga tushishi yoki tushmasligiga bog‘liq. Agar u maydonga tushsa, terma jamoa bosh murabbiyi Luis de la Fuente Yamalni tarkibga kiritadi, chunki u agar futbolchi "Real" va Chempionlar Ligasi o‘yinlarida o‘ynashga tayyor bo‘lsa, jahon chempionati saralashida Ispaniya sharafini himoya qilishga tayyor deb hisoblaydi.
Joriy mavsumda 18 yoshli Yamal barcha musobaqalarda to‘qqizta o‘yinda maydonga tushib, to‘rtta gol urdi va beshta golli uzatmani o‘z hisobiga yozdirib qo‘ydi.
Chempionlar ligasi 4-turidan o‘rin olgan "Bryugge" - "Barselona" uchrashuvi Toshkent vaqti bilan soat 01:00da boshlanishi rejalashtirilgan.













