Yevropa Chempionlari Ligasi guruh bosqichining 4-tur doirasida bo‘lib o‘tadigan "Bryugge" - "Barselona" jamoalari o‘rtasidagi uchrashuvdan oldin mezbonlar ustozi Niki Xayen o‘z fikrlari bilan o‘rtoqlashdi.
"Biz “Bavariya”ga qarshi (3-turdagi 4:0 hisobidagi mag‘lubiyat)dan ko‘ra xotirjamroq o‘ynashni istaymiz. Bu, albatta, katta o‘yin, lekin biz xotirjam bo‘lishimiz kerak. Biz mehmonda emas, "Yan Breydel" stadionida o‘ynayapmiz. Umid qilamanki, bu biz bu yerda avval o‘tkazgan ajoyib oqshomlardan biri bo‘ladi.
"Barselona" yuqori bosim o‘tkazadi va biz buni hal qilishimiz kerak. Biz o‘tgan mavsumga nazar tashlaymiz ("Bryugge" 1/8 finalga chiqqandi, o‘shanda biz o‘z kuchimizni ko‘rsatdik. Biz "Barselona"ni juda hurmat qilamiz, lekin ortiqcha hurmat qilmasligimiz kerak" - dedi Niki Xayen.
Eslatib o‘tamiz, "Bryugge" - "Barselona" uchrashuvi bugun tunda, 01:00da boshlanadi.
