Dekabr oyida "Kristal Pelas" to‘qqiz kun ichida to‘rtta o‘yin o‘tkazishi kerak.
14 dekabrda "Manchester Siti"ga qarshi (APL), 18 dekabrda - KuPSga qarshi (Konferensiyalar Ligasi), 21 dekabrda - "Lids"ga qarshi (APL), 23 dekabrda - "Arsenal"ga qarshi (Angliya Liga Kubogi chorak finali).
"Gap o‘yinchilarning ahvoli haqida emas. Gap birgalikda eng yaxshi yechimni topish haqida ham emas. Har kim iloji boricha ko‘proq pul topish uchun o‘zini o‘ylayapti.
Vaziyat shunday. Bu UYEFA taqvimi. Axir Rojdestvo oldidan Konferensiya ligasi o‘yini bo‘lishi aniq edi-ku.
U yerda ingliz jamoasi o‘ynashi 99 foiz ma’lum edi. Shunday ekan, Angliya Liga Kubogi o‘yinini bu kunga belgilashdan maqsad nima? Nima uchun? Men buni tushunmayapman," - dedi Oliver Glasner













