Madridning "Real" klubi markaziy himoyachisi Antonio Ryudiger klubni tark etishni istamayapti. 32 yoshli futbolchining shartnomasi kelasi yilning yarmigacha mo‘ljallangan, "qaymoqranglilar" rahbariyati uning jarohati tufayli nemis bilan muzokaralarni to‘xtatgan. Marca nashrining yangilangan hisobotida aytilishicha, Ryudiger kelajagi borasida bir qarorga kelgan - u qolishni xohlaydi. Tomonlar 2026 yil boshida, futbolchi safga qaytganidan ko‘p o‘tmay, yangi mehnat shartnomasini muhokama qilishga qaytishlari kerak.

Antonio Ryudiger 2022 yilning yozidan buyon "Real" sharafini himoya qilib kelmoqda. Tajribali markaziy himoyachiga anchadan buyon Saudiya Arabistoni chempionati vakillari qiziqish bildirmoqda.