Мадриднинг "Реал" клуби марказий ҳимоячиси Антонио Рюдигер клубни тарк этишни истамаяпти. 32 ёшли футболчининг шартномаси келаси йилнинг ярмигача мўлжалланган, "қаймоқранглилар" раҳбарияти унинг жароҳати туфайли немис билан музокараларни тўхтатган. Marca нашрининг янгиланган ҳисоботида айтилишича, Рюдигер келажаги борасида бир қарорга келган - у қолишни хоҳлайди. Томонлар 2026 йил бошида, футболчи сафга қайтганидан кўп ўтмай, янги меҳнат шартномасини муҳокама қилишга қайтишлари керак.

Антонио Рюдигер 2022 йилнинг ёзидан буён "Реал" шарафини ҳимоя қилиб келмоқда. Тажрибали марказий ҳимоячига анчадан буён Саудия Арабистони чемпионати вакиллари қизиқиш билдирмоқда.