"Barselona" hujumchisi Robert Levandovskining shartnomasi yana uzaytirilishi mumkin.
Joriy mavsum yakunlangach, amaldagi kelishuv muddati tugaydi. Turli manbalar bir necha bor xabar berganidek, polshalik hujumchi katta ehtimol bilan keyingi yozda kataloniyaliklar safini tark etadi, ammo shartnomani uzaytirish ham istisno qilinmasligi kerak. Catalunya Radio xabariga ko‘ra, "Barselona" prezidenti Joan Laporta Levandovskini juda qadrlaydi, 37 yoshli yulduz klubda katta hurmatga ega. Tomonlar hamkorlikni davom ettirishni muhokama qilishlari mumkin, ammo bir shart bilan - futbolchi maoshining sezilarli darajada qisqarishiga rozi bo‘lishi kerak.
