Turinning "Yuventus" klubi pleymeykeri Kopmeyners jamoaning yangi bosh murabbiyi Luchano Spalletti qo‘l ostida ishlash yoqadimi yoki yo‘qligini aytdi.
"Yangi pozisiyada o‘ynab, o‘zimni ancha yaxshi his qilyapman. Men darvozaga orqa o‘girib, hujumning o‘tkir nuqtasida harakat qiladigan futbolchi emasman. Bu haqda klubga bir necha bor aytganman. Spalletti menga o‘zim yoqtirgan rolni ijro etishni topshirdi. Endi bo‘sh zonalarda to‘pni qabul qilishim, u bilan oldinga harakat qilishim va jamoaga yordam berishim mumkin", dedi futbolchi.
Bu mavsumda 27 yoshli niderlandiyalik "Yuventus" safida barcha musobaqalarda 13ta o‘yinda maydonga tushdi.
