Туриннинг "Ювентус" клуби плеймейкери Копмейнерс жамоанинг янги бош мураббийи Лучано Спаллетти қўл остида ишлаш ёқадими ёки йўқлигини айтди.
"Янги позицияда ўйнаб, ўзимни анча яхши ҳис қиляпман. Мен дарвозага орқа ўгириб, ҳужумнинг ўткир нуқтасида ҳаракат қиладиган футболчи эмасман. Бу ҳақда клубга бир неча бор айтганман. Спаллетти менга ўзим ёқтирган ролни ижро этишни топширди. Энди бўш зоналарда тўпни қабул қилишим, у билан олдинга ҳаракат қилишим ва жамоага ёрдам беришим мумкин", деди футболчи.
Бу мавсумда 27 ёшли нидерландиялик "Ювентус" сафида барча мусобақаларда 13та ўйинда майдонга тушди.
