"Vulverxempton" noyabr oyi boshida Vitor Pereyrani bosh murabbiylikdan iste’foga chiqargandi. "Chelsi" ustozi Enso Mareskadan hozirda bosh murabbiyi yo‘q jamoaga qarshi o‘yinga tayyorgarlik ko‘rish qiyinmi, deb so‘rashdi.
"Ha, bu sababga ko‘ra qiyin. Chorshanba kuni kechqurun o‘ynaganimiz uchun ham. Kecha jamoada dam olish kuni bo‘ldi, bugun kichik mashg‘ulotimiz bor, ertaga esa o‘yin. O‘yin rejasi ham o‘zgardi, ammo biz moslashishimiz kerak", - dedi Mareska matbuot anjumanida.
Angliya chempionati doirasidagi "Chelsi" - "Vulverxempton" uchrashuvi 9 noyabr kuni Toshkent vaqti bilan soat 01:00da boshlanadi.
