"Everton"ning hujumkor yarim himoyachisi Jek Grilish noyabr oyidagi yig‘in uchun Angliya terma jamoasidan chetda qoldi. Liverpulliklar menejeri Devid Moyes bu haqda o‘z fikrlari bilan o‘rtoqlashdi.
"Har bir matbuot anjumanida Jek haqida so‘rashadi. Biz uning o‘yinidan mamnunmiz va yana bir nechta gol va golli uzatmalarni qo‘shishini xohlaymiz. Tomas Tuxel Angliya terma jamoasi tarkibini tanlaydi va u kimni xohlashini o‘zi hal qiladi. Jek hozirda biz uchun juda yaxshi harakat qilmoqda", - dedi Moyes jurnalistlarga.
Jek Grilish Angliya terma jamoasi safida oxirgi marta 2024 yil oktyabr oyida o‘ynagan.













