Madridning "Real" klubi chap qanot himoyachisi Alvaro Karreras yaqinlashib kelayotgan o‘yinda dam olishi mumkin. 22 yoshli futbolchi joriy mavsum "qaymoqranglilar"ning barcha musobaqalardagi 15 ta jangidan 14 tasida asosiy tarkibda maydonga tushdi.

Marca nashri tarqatgan xabarga ko‘ra, jamoa boshqaruvchisi Xabi Alonso ispaniyalik futbolchiga chempionat doirasida "Rayo Valyekano"ga qarshi bo‘lib o‘tadigan uchrashuvda dam bermoqchi.

Asosiy tarkibdan Fran Garsiya o‘rin olishi kutilmoqda. Yakshanba kungi "Rayo Valekano" - "Real" uchrashuvi Toshkent vaqti bilan 20:15da boshlanadi.