"Manchester Siti" hujumchisi Erling Xoland "Liverpul"ga qarshi o‘yindan nimalar kutayotgani haqida gapirdi. Mazkur bahs 9 noyabr, yakshanba kuni Angliya premyer-ligasi doirasida bo‘lib o‘tadi.
"O‘yinga tayyor holda kelishimiz kerak, oson bo‘lmaydi. Oldingi yillarda "Manchester Siti" va "Liverpul" o‘rtasidagi raqobat ajoyib edi - jamoalar bir-birini rivojlanishga undardi, chempionlik uchun kurashardi. Natijaga erishish uchun bo‘lajak o‘yinda o‘zingni eng yaxshi tarzda ko‘rsatishing kerak", - deya Xolandning so‘zlarini keltiradi City Xtra.
"Shaharliklar" o‘n turdan keyin 19 ochko bilan turnir jadvalida ikkinchi, "Liverpul" esa 18 ochko bilan uchinchi o‘rinda bormoqda.
