"Манчестер Сити" ҳужумчиси Эрлинг Холанд "Ливерпул"га қарши ўйиндан нималар кутаётгани ҳақида гапирди. Мазкур баҳс 9 ноябрь, якшанба куни Англия премьер-лигаси доирасида бўлиб ўтади.
"Ўйинга тайёр ҳолда келишимиз керак, осон бўлмайди. Олдинги йилларда "Манчестер Сити" ва "Ливерпуль" ўртасидаги рақобат ажойиб эди - жамоалар бир-бирини ривожланишга ундарди, чемпионлик учун курашарди. Натижага эришиш учун бўлажак ўйинда ўзингни энг яхши тарзда кўрсатишинг керак", - дея Холанднинг сўзларини келтиради City Xtra.
"Шаҳарликлар" ўн турдан кейин 19 очко билан турнир жадвалида иккинчи, "Ливерпуль" эса 18 очко билан учинчи ўринда бормоқда.
