"Tottenxem"ning malilik yarim himoyachisi Iv Bissuma o‘z pullarini Angliyaning nufuzli Coutts bankiga topshirishga qaror qildi, u yerda hatto qirollik oilasi vakillari ham o‘z jamg‘armalarini saqlaydi.
Bu voqea 2022 yilda sodir bo‘lgan, ammo Bissuma shu kunlarda hisob raqamidan taxminan 800 ming funt sterling yo‘qolganini aniqladi. The Sun nashrining yozishicha, aybdor 31 yoshli Moris Gomes ismli shaxs bo‘lib chiqdi, u Bissumaning ishonchiga kirib, uning xabarisiz o‘z hisobiga pul o‘tkazgan. Hozir Gomes uning ustidan berilgan ariza tufayli hibsga olingan.
