«Yuventus» hujumchisi, kanadalik Jonatan Devid yaqin orada Angliyaga ko‘chib o‘tishi mumkin. Bu haqda TuttoMercatoWeb xabar tarqatdi.
Manbaga ko‘ra, «Chelsi» va «Tottenxem» jamoalari 25 yoshli hujumchini qishki transfer oynasida olib kelish imkonini o‘rganmoqda. Turinliklar uning o‘yinidan kutilgan natijani ololmayotgani uchun, futbolchi mavsum oxirigacha ijaraga berilishi ehtimoldan xoli emas.
Eslatib o‘tamiz, Devid yozda «Lill»dan «Yuventus» safiga qo‘shilgan edi. U joriy mavsumda Italiya chempionatida 10 ta o‘yinda 1 gol urib, 1 golli uzatma berdi.













