«Ювентус» ҳужумчиси, канадалик Жонатан Дэвид яқин орада Англияга кўчиб ўтиши мумкин. Бу ҳақда TuttoMercatoWeb хабар тарқатди.
Манбага кўра, «Челси» ва «Тоттенхэм» жамоалари 25 ёшли ҳужумчини қишки трансфер ойнасида олиб келиш имконини ўрганмоқда. Туринликлар унинг ўйинидан кутилган натижани ололмаётгани учун, футболчи мавсум охиригача ижарага берилиши эҳтимолдан холи эмас.
Эслатиб ўтамиз, Дэвид ёзда «Лилль»дан «Ювентус» сафига қўшилган эди. У жорий мавсумда Италия чемпионатида 10 та ўйинда 1 гол уриб, 1 голли узатма берди.













