"Barselona" hujumchisi Robert Levandovski "Selta"ga (4:2) qarshi o‘yin yakunida jurnalistlar bilan suhbatlashdi.

37 yoshli polshalik uch marta raqib darvozasini ishg‘ol qilib, bahs qahramoniga aylandi. Aynan u uchrashuvning eng yaxshi futbolchisi deb topildi.

"G‘alabadan juda mamnunmiz. "Selta" stadionida o‘ynash har doim qiyin. Birinchi bo‘limda raqiblarga ikkita oddiy gol urishga imkon berdik, ammo tanaffusdan keyin vaziyatni nazorat qildik.

Ikkinchi bo‘limda Flik zaxiraga olinishni xohlaysanmi, deb so‘radi, lekin men hammasi joyida, deb javob berdim. Yaqinda jarohatdan tiklandim - hozir o‘zimni juda yaxshi his qilyapman," - deya "ko‘k-anorranglilar" forvardining so‘zlarini keltiradi Barca Universal.

Robert Levandovski hisobida La Liganing joriy mavsumida kiritilgan yettita gol bor. U faqat Kilian Mbappedan (13ta) ortda.