Fransiyalik himoyachi Ibraima Konate "Liverpul"dagi kelajagi borasida bir qarorga keldi. Diario AS jurnalistlariga ma’lum bo‘lishicha, 26 yoshli futbolchi mersisaydliklarni erkin agent sifatida tark etishga qaror qilgan. Uning mehnat shartnomasi 2026 yilning yozida tugaydi.
Fransiyalik futbolchiga da’vogarlar orasida Madridning "Real" va Myunxenning "Bavariya" klublari tilga olingan.
Ibraima "qizillar" safida 2021 yilning yozidan buyon to‘p tepib kelmoqda. Himoyachining bozor narxi 55 million yevroga baholanmoqda.
Konate Angliya Premyer-ligasining joriy mavsumida 11 ta o‘yin o‘tkazib, 2 ta sariq kartochka oldi.
