"Manchester Siti"ning norvegiyalik forvardi Erling Xoland yaqin kelajakda klubini o‘zgartirishi mumkin.

Defensa Central xabariga ko‘ra, "Manchester Siti" bosh murabbiyi Xosep Gvardiola Xolandning klubni tark etish va Madridning "Real" klubiga o‘tish istagi kuchayib borayotganidan norozi.

Manbaga ko‘ra, Gvardiola hatto Xolandning yangi shartnomasiga tovon puli haqidagi bandni kiritishga qaror qilgani uchun rahbariyat bilan ziddiyatga borgan.

"Shaharliklar" hujumchini 2022 yilda sotib olgandi. U joriy mavsum barcha musobaqalarda 15 ta o‘yinda maydonga tushib, 19 ta gol urdi va bitta golli uzatmani o‘z hisobiga yozdirib qo‘ydi.

25 yoshli Xolanning "Manchester Siti" bilan amaldagi mehnat shartnomasi 2034 yilga qadar imzolangan. Transfermarkt portali futbolchining narxini 180 million yevroga baholamoqda.