"Манчестер Сити"нинг норвегиялик форварди Эрлинг Холанд яқин келажакда клубини ўзгартириши мумкин.
Defensa Central хабарига кўра, "Манчестер Сити" бош мураббийи Хосеп Гвардиола Холанднинг клубни тарк этиш ва Мадриднинг "Реал" клубига ўтиш истаги кучайиб бораётганидан норози.
Манбага кўра, Гвардиола ҳатто Холанднинг янги шартномасига товон пули ҳақидаги бандни киритишга қарор қилгани учун раҳбарият билан зиддиятга борган.
"Шаҳарликлар" ҳужумчини 2022 йилда сотиб олганди. У жорий мавсум барча мусобақаларда 15 та ўйинда майдонга тушиб, 19 та гол урди ва битта голли узатмани ўз ҳисобига ёздириб қўйди.
25 ёшли Холаннинг "Манчестер Сити" билан амалдаги меҳнат шартномаси 2034 йилга қадар имзоланган. Transfermarkt портали футболчининг нархини 180 миллион еврога баҳоламоқда.
