Italiyaning "Lasio" klubi ustozi Maurisio Sarri Italiya chempionatidagi hakamlikni tanqid qilmoqda. U chempionatga boshqa mamlakatlardan hakamlarni jalb qilish vaqti keldi, degan fikrni bildirdi.
"Menimcha, xorijlik hakamlarni taklif qilish g‘oyasini jiddiyroq ko‘rib chiqish vaqti keldi, chunki italiyalik hakamlarning noto‘g‘ri qarorlari juda og‘riqli bo‘lib qolmoqda. Ular ham, o‘yin inspektorlari ham xato qilishadi", - deya Sarri so‘zlarini keltiradi calcionapoli1926.it.
Eslatib o‘tamiz, kecha Sarri murabbiyligidagi Rimning "Lasio" klubi A Seriya turnir jadvalida peshqadamlik qilayotgan Milanning "Inter" klubiga 0:2 hisobida imkoniyatni boy berib qo‘ygan edi.
