Италиянинг "Лацио" клуби устози Маурицио Сарри Италия чемпионатидаги ҳакамликни танқид қилмоқда. У чемпионатга бошқа мамлакатлардан ҳакамларни жалб қилиш вақти келди, деган фикрни билдирди.
"Менимча, хорижлик ҳакамларни таклиф қилиш ғоясини жиддийроқ кўриб чиқиш вақти келди, чунки италиялик ҳакамларнинг нотўғри қарорлари жуда оғриқли бўлиб қолмоқда. Улар ҳам, ўйин инспекторлари ҳам хато қилишади", - дея Сарри сўзларини келтиради calcionapoli1926.it.
Эслатиб ўтамиз, кеча Сарри мураббийлигидаги Римнинг "Лацио" клуби А Серия турнир жадвалида пешқадамлик қилаётган Миланнинг "Интер" клубига 0:2 ҳисобида имкониятни бой бериб қўйган эди.
