Kataloniyaning “Barselona” klubi sobiq prezidenti Joan Gaspar argentinalik hujumchi Lionel Messining "ko‘k-anorranglilar" safiga qaytishi ehtimoli haqida fikr bildirdi.

“Bilmayman, "Barsa" uning hozirgi maoshiga teng miqdorda to‘lay oladimi. Men shaxsan Leoga qaytmaslikni maslahat beraman — bu do‘stona maslahat. Ammo agar bu holatga muxlis sifatida qarasak, albatta, bu qiziqarli qaror bo‘lardi,” — deya Gasparning so‘zlarini keltiradi AS nashri.

Eslatib o‘tamiz, Messi 2005 yildan 2021 yilgacha “Barselona”ning asosiy jamoasi safida o‘ynagan.

Hozirgi paytda u “Inter Mayami” safida harakat qilmoqda — bu kelishuv 2028 yil dekabr oyi oxirigacha amal qiladi.

38 yoshli argentinalik hujumchining bozor qiymati 18 million yevro deb baholangan.