Каталониянинг “Барселона” клуби собиқ президенти Жоан Гаспар аргентиналик ҳужумчи Лионель Мессининг "кўк-анорранглилар" сафига қайтиши эҳтимоли ҳақида фикр билдирди.
“Билмайман, "Барса" унинг ҳозирги маошига тенг миқдорда тўлай оладими. Мен шахсан Леога қайтмасликни маслаҳат бераман — бу дўстона маслаҳат. Аммо агар бу ҳолатга мухлис сифатида қарасак, албатта, бу қизиқарли қарор бўларди,” — дея Гаспарнинг сўзларини келтиради AS нашри.
Эслатиб ўтамиз, Месси 2005 йилдан 2021 йилгача “Барселона”нинг асосий жамоаси сафида ўйнаган.
Ҳозирги пайтда у “Интер Майами” сафида ҳаракат қилмоқда — бу келишув 2028 йил декабр ойи охиригача амал қилади.
38 ёшли аргентиналик ҳужумчининг бозор қиймати 18 миллион евро деб баҳоланган.
