"Manchester Siti" hujumkor yarim himoyachisi Fil Fodenning kelajagi haqida ma’lumotlar paydo bo‘ldi. Jurnalist Nikolo Skiraning ijtimoiy tarmoqlarda ma’lum qilishicha, Foden klub bilan shartnomani uzaytirishga yaqin turibdi. Filning yangi mehnat shartnomasi 2030 yilning o‘rtalariga qadar mo‘ljallangan. Ya’ni, 25 yoshli futbolchi yana qo‘shimcha uch yillik shartnomaga ega bo‘ladi.
Fil Foden "Manchester Siti" tarbiyalanuvchisi hisoblanadi. "Shaharliklar"ning asosiy jamoasida futbolchi 333 ta o‘yin o‘tkazib, 104 ta gol va 64 ta golli uzatmani o‘z hisobiga yozdirib qo‘ygan.
