"Манчестер Сити" ҳужумкор ярим ҳимоячиси Фил Фоденнинг келажаги ҳақида маълумотлар пайдо бўлди. Журналист Николо Скиранинг ижтимоий тармоқларда маълум қилишича, Фоден клуб билан шартномани узайтиришга яқин турибди. Филнинг янги меҳнат шартномаси 2030 йилнинг ўрталарига қадар мўлжалланган. Яъни, 25 ёшли футболчи яна қўшимча уч йиллик шартномага эга бўлади.

Фил Фоден "Манчестер Сити" тарбияланувчиси ҳисобланади. "Шаҳарликлар"нинг асосий жамоасида футболчи 333 та ўйин ўтказиб, 104 та гол ва 64 та голли узатмани ўз ҳисобига ёздириб қўйган.