"Bavariya" darvozaboni Manuel Noyerning Germaniya terma jamoasiga qaytishi istisno qilinmayapti. Germaniya futbol ittifoqining ba’zi vakillari Yulian Nagelsmanni 2026-yilgi jahon chempionati arafasida faxriy nomzodini ko‘rib chiqishga ko‘ndirmoqda.

Jurnalist Tobi Altshefflning ma’lum qilishicha, Noyer ikki shart bilan qaytishi mumkin: agar Mark-Andre ter Shtegen "Barselona"da ham, boshqa klubda ham o‘yin amaliyotiga ega bo‘lmasa, shuningdek, Nagelsmanning o‘zi 39 yoshli posbonni taklif qilish g‘oyasini qo‘llab-quvvatlasa va uni milliy jamoa safiga qaytishga shaxsan ko‘ndirsa.

Kelasi yilning mart oyida Manuel Noyer 40 yoshga to‘ladi. Jahon chempionati iyun-iyul oylarida AQSH, Kanada va Meksika maydonlarida bo‘lib o‘tadi.