"Бавария" дарвозабони Мануэль Нойернинг Германия терма жамоасига қайтиши истисно қилинмаяпти. Германия футбол иттифоқининг баъзи вакиллари Юлиан Нагельсманни 2026-йилги жаҳон чемпионати арафасида фахрий номзодини кўриб чиқишга кўндирмоқда.

Журналист Тоби Алтшеффлнинг маълум қилишича, Нойер икки шарт билан қайтиши мумкин: агар Марк-Андре тер Штеген "Барселона"да ҳам, бошқа клубда ҳам ўйин амалиётига эга бўлмаса, шунингдек, Нагельсманнинг ўзи 39 ёшли посбонни таклиф қилиш ғоясини қўллаб-қувватласа ва уни миллий жамоа сафига қайтишга шахсан кўндирса.

Келаси йилнинг март ойида Мануэль Нойер 40 ёшга тўлади. Жаҳон чемпионати июнь-июль ойларида АҚШ, Канада ва Мексика майдонларида бўлиб ўтади.