"Manchester Yunayted" hujumchisi Joshua Zirkzee klubda sotilishi mumkin bo‘lgan asosiy nomzodlardan biri. Niderlandiyalik futbolchi 2024 yilning yozida "qizil iblislar" safiga "Bolonya"dan deyarli 43 million yevro evaziga ko‘chib o‘tdi, ammo Angliyada ishonchni oqlay olmadi. Jurnalist Mark Ogdenning yozishicha, Zirkzening tez orada sotilishi ehtimoldan xoli emas. "Manchester Yunayted" klubi hujumchini taxminan uning transferi uchun sarflangan mablag‘ evaziga Italiyaga qaytarishga ishonmoqda.

Mish-mishlarga ko‘ra, 24 yoshli futbolchini "Roma" o‘z safiga qo‘shib olishga tayyor. Shuningdek, futbolchiga "Milan" ham qiziqish bildirgan. Transfermarkt portali Zirkzeening narxini 28 mln yevroga baholamoqda.