"Манчестер Юнайтед" ҳужумчиси Жошуа Зиркзее клубда сотилиши мумкин бўлган асосий номзодлардан бири. Нидерландиялик футболчи 2024 йилнинг ёзида "қизил иблислар" сафига "Болонья"дан деярли 43 миллион евро эвазига кўчиб ўтди, аммо Англияда ишончни оқлай олмади. Журналист Марк Огденнинг ёзишича, Зиркзенинг тез орада сотилиши эҳтимолдан холи эмас. "Манчестер Юнайтед" клуби ҳужумчини тахминан унинг трансфери учун сарфланган маблағ эвазига Италияга қайтаришга ишонмоқда.
Миш-мишларга кўра, 24 ёшли футболчини "Рома" ўз сафига қўшиб олишга тайёр. Шунингдек, футболчига "Милан" ҳам қизиқиш билдирган. Transfermarkt портали Зиркзеенинг нархини 28 млн еврога баҳоламоқда.













