Arsen Venger "Arsenal"da sun’iy intellektdan foydalanish holatlaridan xavotir bildirdi.
Arteta klub sun’iy intellektdan, jumladan, standartlar va autlar ustida ishlashda faol foydalanishini tan olgandi.
Biroq Venger texnologiyalar murabbiyning intuisiyasini almashtirmasligi kerak deb hisoblaydi:
AI yaxshiroq qarorlar qabul qilishga yordam berishi mumkin. U millionlab vaziyatlarni qayta ishlashga va javobni soniyaning bir bo‘lagida berishga qodir. Ammo sun’iy intellekt bir narsani, murabbiyning shaxsiyati esa boshqa narsani aytishi mumkin. Inson nazoratni va qaror qabul qilish huquqini saqlab qolar ekan, har qanday ilmiy vositalardan foydalanish mumkin. Biroq ilm-fan ustunlik qila boshlasa, bu xavfli.
Qizig‘i shundaki, sun’iy intellekt allaqachon boshqa ligalarga ham kirib bormoqda: "Sietl Reyn" bosh murabbiyi Laura Xarvi ChatGPT'dan taktik g‘oyalar uchun foydalanishini ta’kidlab o‘tgan.
