Арсен Венгер "Арсенал"да сунъий интеллектдан фойдаланиш ҳолатларидан хавотир билдирди.
Артета клуб сунъий интеллектдан, жумладан, стандартлар ва аутлар устида ишлашда фаол фойдаланишини тан олганди.
Бироқ Венгер технологиялар мураббийнинг интуициясини алмаштирмаслиги керак деб ҳисоблайди:
AI яхшироқ қарорлар қабул қилишга ёрдам бериши мумкин. У миллионлаб вазиятларни қайта ишлашга ва жавобни сониянинг бир бўлагида беришга қодир. Аммо сунъий интеллект бир нарсани, мураббийнинг шахсияти эса бошқа нарсани айтиши мумкин. Инсон назоратни ва қарор қабул қилиш ҳуқуқини сақлаб қолар экан, ҳар қандай илмий воситалардан фойдаланиш мумкин. Бироқ илм-фан устунлик қила бошласа, бу хавфли.
Қизиғи шундаки, сунъий интеллект аллақачон бошқа лигаларга ҳам кириб бормоқда: "Сиэтл Рейн" бош мураббийи Лаура Харви ChatGPT'дан тактик ғоялар учун фойдаланишини таъкидлаб ўтган.
