Braziliya terma jamoasi bosh murabbiyi Karlo Anchelotti Vinisius Juniorning xatti-harakatlari haqida gapirdi.

- Siz deyarli har doim Vinisiusning shiddatli xarakterini jilovlashga va maslahat berishga muvaffaq bo‘lgansiz. U almashtirilganidan keyin klasikoda nima bo‘lganini ko‘rdingiz. Sizningcha, bu xato bo‘ldimi?

- U shunchaki xatoga yo‘l qo‘ydi va "Real"dagi yangi rolini, kiyinish xonasidagi avvalgiga qaraganda muhimroq rolini tushunishi kerak. U xato qildi, uzr so‘radi va bundan saboq olishi kerak. Murabbiy jamoani kuchaytirmoq uchun zarur bo‘lgan almashtirishlarni amalga oshirish huquqiga ega.

- Vinisiusga "Oltin to‘p"ni ololmagani qattiq ta’sir qildimi? Mukofotlanishdan oldin u butunlay boshqacha edi.

- Ehtimol, bu unga biroz ta’sir qilgandir, lekin hozir Vini o‘zining eng yaxshi formasiga yaqin. U juda yaxshi o‘ynaydi, asosiy o‘yinchi. Vinining fe’l-atvori kuchli, u o‘z xatolari yoki tanqidlarga unchalik e’tibor bermaydi. U tezda oldinga siljimoqda. Ishonchim komilki, Vini jahon chempionatiga ajoyib formada yetib keladi", - dedi Anchelotti.